اه لو تعرف يا املي الوحيد اديش لهفتي وشوقي...الك
حساك وشايفاك بعيون البي والكل حوالي بدعيلي...والك
طال انتظارك وانت دايماً عالبال كل اشي حاضر وانت بس...تعال
استنيتك كتير لحد ما فكرتك فال انا دايماً آمنت وقلت فش...محال
كل الشمتانين بدقولي عالناي وانا هالمرة حاسة انك حقيقي...جاي
الصبر تعب مني بهالمشوار وكل ما استناك بتقولي...المحطة الجاي
بس بحياتك هالمرة تكسفنيش وبلاش تقولي كمان مرة...باي
فش دكتور مرُحتش عندو والكل بطبطبلي وبقولي هيو...عدُو
في كتير نسوان فقدوا الأمل بس انا آمنت بربي مين...ادو
هو احنا بدون امل بنعيش بدعي لربي ليل ونهار وبستنى...ردوُ
واللي عنده طفل بين ايديه يشكر ربه على نعمته وسلامة...ألبو
الوحدة فينا بتتمنى تصحى الصبح عصوت طفل يغرد حواليها وتحبو
في ناس مش عارفة قيمة الخلف وناس مش لاقية طفل واحد تلعبو
وبدعي لربي يرزقني بس واحد وانا صبح وليل ما أقوم من جنبو
واللي قاعد معي وبستنى عنار ان شاء الله راح تناديه...يابا
ابوك تعب وفقد الأمل..وبهدد اذا ما خلفتيش هالمرة...فش عتابا
وبحياتك بلاش اتطول هالمرة بعدين ابوك بتجوز وبدقلي...ربابا
نسي عشرة العمر وبدا يرفٌص وانا بنت أصل وصاينة العشرة معاه
ولما عوزتو جنبي ايام الشقا دار دهرو عني وفرجاني أفاه
وإش حكمك يا رب السما هادا الإنسان اللي قلت عنو دهر
ولما شافني بحالتي تهرب وعمل حالو مظلوم وانا بموت أهر
ويا ربي سامحو واهديه يمكن ييجي يوم ويقدر هالأمر
وانا عارفة اني انا مش الوحيدة اللي بتنام ودمعها عخدها للفجر
امي وحماتي عملوها معركة وانا بينهم وبين جوزي ماليش...سعر
يا اهلي يا حبيايبي ايش زنبي هادا رب السما...هو صاحب الأمر
ارحموني ما انا زيكم انسان ولا اذا ما خلفتش راح تودوني...القبر
يا ناس شوية ايمان بربكم والأعتراض على حكمه كفر
يا ربي انت عالم بحالي بدي ولد يسندني بقيت هالعمر
بامكانكم ارسال مواد إلى العنوان : [email protected]
