كيف بدك احس بعيدك طول ما انتي عني بعيدة
بقدرش انام الليل بحاله بدي حضنك وتقريلي قصيدة
كنتي شمعة منورة علي اش صارلك يما ما انتي فريدة
نشفت الدمعة بعينيكي والشمعة اللي ضويتيها بنورك
اش عمل فيكي الزمان ما كنا نلعب حواليكي مالك
احكيلي يمٌا وفضفضي بحياتك هو انا اشي قليل بحياتك
انا يمٌا ابنك بعشق حضنك وانتي راح اضلي دايماً ملاكي
كيف بدك اكون متريح ومبسوط واشوفك حزينة هيك هادا هلاكي
حميلتيني ورضعتيني وحفضتيني كل هادا يمٌا كان ماضي بلاكي
لما بكون مع ولاد صفي بالنهار بشوفوني كيف انا مكسور وبنهار
بسألوني مالك مهموم ومحتار اش بدك اقولهم نزل الستار؟
انا يمٌا بقدرش اتخلى عنك هو الغراب بقدر يأدي دور الكنار؟
كنت مبسوط والأرض مش وسعاني انتي قوتي وقلبي وعقلي ووجداني
هادا يا روحي يا ابني مش ذنبي هادا ابوك اللي مش راضي بنصيبو
مش عارف قيمة مرتو وبيتو ولا خايف ربو وراح عخراب بيتو
ضحيت عشانك ومهنليش فيك ابوك كان يضربني ويهينني على كيفو
احلى سنين عمري حرقها عشان وحدة رخيصة ومش داري
انت بدك حقك انت ابننا وانا اش اعمل بينك وبينو يا ناري
الضنا غالي يا ابني وانا مكسورة انا كتير تعبانة والحياة عبرة مش اسطورة
صارت حياتي زي المقبرة المهجورة مين راح يتحملني ويوخد معاي صورة
هادا الحكي كتير كبير عليك لما تكبر راح تعرف قيمة هالأمورة
واذا كل اللي حكيتو بكفيش نفسي تضويلي شمعة وبكون مشكورة
بامكانكم ارسال مواد إلى العنوان : [email protected]