اغلاق
اغلاق
  ارسل خبر

من كفالة أيتام إلى ترميم البيوت .. تعرف على جمعية يافا - ضيف في الأستوديو

 
ينشر موقع يافا 48 الحلقة الثامنة من برنامجه "ضيف في الأستوديو"، والذي يأتيكم من قلب استوديوهات يافا 48 في حي العجمي بيافا، حيث نستضيف خلال هذه الحلقة الأستاذ اسماعيل دلق مدير جمعية يافا للاغاثة الانسانية.  
 
ونتناول في الحلقة دور جمعية يافا للاغاثة الانسانية ودورها في العمل الاغاثي بمدينة يافا، وأهداف الجمعية وكيف أصبحت العنوان الأول للعائلات المستورة في المدينة. 
 
كما يُحدثنا الأستاذ اسماعيل عن أبرز المشاريع التي تقوم عليها الجمعية لخدمة الأيتام والفقراء والعائلات المستورة بمدينة يافا، وعن المشاريع الدورية والشهرية للجمعية والتي تهدف للتخفيف على العائلات. 
 
ويشرح الأستاذ اسماعيل اطلاق الجمعية لتطبيق خاص بها للتواصل مع العائلات المستورة حتى تحافظ على خصوصيتها وترفع عنها الحرج.
من كفالة أيتام إلى ترميم البيوت .. تعرف على جمعية يافا - ضيف في الأستوديو

بامكانكم ارسال مواد إلى العنوان : [email protected]

أضف تعليق

التعليقات

1
يافا 48 ليش بطلتوا تنزلو عن ضيف الاسنوديو ياريت تعملوا كل يوم او اكتر ، وتحكوا عن مشاكل البلد وعن العميدار وحلميش وغلاء المعيشة
. - 21/03/2022
رد
2
كتير تعليقات ما بتوصل اللي بيوصل بس كلام الناس المطيبتيه )) منيحين فش زيهم وجدعان وبيعطو بيد مفتوحه وهيك)) بيعطوش من جيبتهم وكل شغل متعب وكللنا ولادنا محبسين من يومه هبه الكرامه لا انا ولا كل الاهالي شافو شي ولا حتن تطيب خاطر وكل واللي بدو يعمل عمر بن الخطاب يويع باب دارو
منكم - 27/02/2022
رد
3
للجميع كل واحد كمان مش لازم يعتمد انه في جمعيات بالبلد يعني هيك بحل مشكلته لأ دينا بقول اشتغل اعمل تحرك مش عيب الشغل العيب نقعد مكتفين ادينا بعدين المحتاجين عندهم احترام لنفسهم اكتر من غيرهم في عالم شخصيا بعرفهم بدفعوا اجار وبشتغلوا وبنهد حيلهم وغيرهم قاعد لابس طالع رايح جاي وبدكم مساعده الله بالعقل عرفوه من هادا الموقع بوصلكم معلومه لو سمحتوا الجميع اللي مش لازمه يخلي لغيره وهيك الحق بقول
!!!! - 23/02/2022
رد
1
السلام عليكم ورحمة الله وبركاته طبعا الي ادو في المي مش زي الي ادو فالنار
اسماعيل - 25/02/2022
4
والله اشهد ان العمل بالجمعيه شاق جدا فانا واحد من الناش اللي اشتغلت بالتوزيع الطرود بالرغم انهم اعطوني اجار السياره اللي وزعت فيها ورغم ذلك هربت ولم اتحمل التوزيع من ما فيه من حمل وتعي ومشقه.فانا اشهد لهم بالخير وبارك الله لهم جميعا.هذا رغم ان الاخ اسماعيل والشباب لظيهم مسؤليه وحمل كبير مع ذلك البعض من الناس يستهين بالحمعيه ويقول اتصلت باسماعيل او اح الاخوه ولم يرد علي .عليك ان تفهم ايها الاخ من يافا ارد عليك واقول هناك ايام ليس لديهم الوقت ليردوا على اولادهم حتى فعليك ان تتحلى بالصبر ولا تظلم اخونا اسماعيل او اي افراد الجمعيه.
يافا بلدي - 23/02/2022
رد
5
لو سمحت نزل تعليقي ماتمحيه.انا بدي احكي عن الرابط الي نزلوه للتسجيل بالجمعية.انا من 3 تليفونات سجلت ولا رابط سجل معي كل مرة الرابطة بعطيني طلبك قيد الإرسال ومابسجلني بحكي مع السكرتيرة بتحكيلي مشكلة من الرئاسة وهاي الشغلة من اول ماصار التسجيل من خلال الرابط وعلى الفاضي .ومافي مساعدة منها.ياريت مايكون في تسجيل لناس وناس لأ
الحق - 23/02/2022
رد
6
احنا بقول بارك الله فيكم وبجهودكم ولاكن اذا ارتم معرفة السيدة المستوره تواصلو معي اعاننا واياكم الله وبارك فيكم
اسماعيل - 23/02/2022
رد
7
في ناس بتحب تلطش حكي لانهم معهم وبستحقوش وفي ناس يا ويلي عليهم فيهم الخير بطلبوش رغم عازتهم وهمي الاحق مش لازم نضحك عبعض الكل بوخد وشبعان محدش ميت من الجوع
توتو - 23/02/2022
رد
8
للأسف لما بنتصل لإسماعيل أو على تليفون الجمعية ما حدا برد
من يافا - 23/02/2022
رد
1
بتقدروا تجربوا او تودوا رساله الكل بوخد والناس هاي الها اشغالها كمان جربوا انا شخصيا كل مره بجرب لانه في ضغط عليهم والكل بوصله
ساميه - 23/02/2022
9
الجمعيه الله يقدركم عفعل الخير ساعدتوا قد ما قدرتوا بارك الله فيكم وكل البلد معكم
ابو الامير - 23/02/2022
رد
10
اليافاويه رجال
من الصين الى اليمن - 23/02/2022
رد
11
كل احترام بعطو بيد مفتوح
جاسم - 23/02/2022
رد
12
بوركت جهودكم وسدد الله خطاكم جميعآ فليكن وعلى بركه الله على مر السنين رددتم ففعلتم وهنيئآ لمن كان للخير فاعلآ عند الله لا تضيع الأعمال الصالحه الأعمل الواضحه أمام الملأ أجمعين يحق الشكر والثناء لمدينتنا الحبيبه التي برجالها وأناسها الأفاضل تقوم بما هو خير لأهلها من أصعب ما سمعت في الحلقه أن هناك من هم أيتام الأم والأب معآ أسأل الله أن يخفف أحزانهم ويجعلهم في ودائعه ومن الصالحين الشاكرين لقلوبهم الصبر هؤلاء هم أكثر من يستحق ولو يمتلكون كل شيء حتى السؤال بحد ذاته يرفع من معنوياتهم بوركت جهودك أخ إسماعيل لقاء واسع ومضمونه عالي في الأفق دمتم بخير ودامت يافا موطن الخير والعطاء كل التقدير وخالص الود
يافا عروس البحر - 23/02/2022
رد
13
كلام شفاف واضح والحق انه بنشوف كيف بساعدوا وشادين حالهم بارك الله فيكم
بنت البلد - 23/02/2022
رد
14
كل الاحترام لكل اهل يافا رجال وعزوه لكل الولايا ربنا معكم ويقدركم والناس لازم تعرف انه عمليا الموضوع صعب مش هين عمل شاق امام المتبرعين وتفرقه الطرود وترميم البيوت عمل مع الله كبير الله يبارك فيكم
يافاوي - 23/02/2022
رد
1
اه والله بارك الله فيكم جهد شاق بس انو الاقربون اولا بوزعه علا بعض والفائض يوزعون علا الناس حسبي الله ونعم الوكيل
اسماعيل - 26/02/2022
15
بارك الاه فيك اسماعيل وكل اللي معك عمل شاق وفيه خير للكل ومن لا يشكر الناس لا يشكر
ساميه - 23/02/2022
رد
16
على بركه الله الجمعيه والعاملين ما قصرتوا كلكم والحمدلله بلدنا خيرها بناسها
عوكل - 23/02/2022
رد
17
ماشالله برنامج ممتاذ بالتوفيق والى الامام.كما نرحب بأخونا الاخ اسماعيل خليل الدلق.استمر بالعطاء انت واخوانك بالجمعيه كما عودتمونا.بارك الله لكم وعليكم.
يافاوي - 23/02/2022
رد
18
الكلام فشرعلي جمرك كل الحركات الا من رحم ربي فاشلين توجهة سيده مستوره للمساعده لاجار بيت لها ولاطفالها الايتام ولم يساعدها احد بل صدوها ولم يساعدها احد لاكن آن الله معها وحسبي الله ونعم الوكيل
اسماعيل - 23/02/2022
رد
1
حركات فاشلة ؟ الحركات هذه هي الامل لنا في البلد واغلبها تعمل على مدار السنين وللاسف بتلاقي حكي متل حكيك.. شو بتقترح يسكرو كل هالحركات عشنهم "فشلة"؟ يا اخي الحركات هذول ما في عندهم ميزانية دولة وراهم، يعني قدرتهم محدودة. اذا بتفكر انك بتقدر تساعد اعمل حركة وورجينا حركة مش فاشلة. اللهم ثبت علينا العقل والدين.
..... - 25/02/2022
2
بدي ارد عليك لانه كلامك في تناقض يعني وبدون احراج عامه في مطلقات وبيوت بتحسسك انها معهاش توكل وعلى ارض الواقع بصيبك هلع من لبسهم وشعرعم واضافرهم واللي بحطوه عوجوهم يعني انت بربك احكيلي كيف ومن وين انا بحكي عامه بدون تجريح لاي مخلوق وهيك بنشوف يعني لما ييجوا وبدهم يطلبوا كمان هادا حرام لانه غيرهم بشتغل ومسكر تمه وهو اولى بالمساعده
ساميه - 23/02/2022
19
والله في ناس ملان مستحقه ما بتوخد هاد حرامممممممم ومسجلين وعبو الرابط ون المونه الي صوروها. اخر مره بس شوفو.يا ناس
قلب وجعان. - 23/02/2022
رد
1
لا الكلام مش صح وعيب لانه كل واحد بطلعله بوخد حرام نتبلى عبعض
ام امير - 23/02/2022

تعليقات Facebook

  شارك
مقالات متعلقة