اغلاق
اغلاق
  ارسل خبر

اللد: لجنة أولياء الأمور "لا وألف لا لحفلات التخرج التي تصل لمستوى الأعراس"

 
وصل موقع يافا 48 بيان صادر عن اللجنة المركزية لأولياء أمور الطلاب، جاء فيها "
 
اللجنة المركزية لاولياء امور الطلاب في اللد تثير في رسالة خاصة وضعتها على طاولة مديرة المعارف لواء المركز موضوع الرسوم الباهظة التى دفعها أولياء الأمور في حفلات تخرج ابنائهم وبناتهم الشباب من المرحلة الثانوية والتي وصلت في احدى المدارس الى حد 1500  شيكل للطالب الواحد. 
 
حيث وضعت الاهالي أولياء امور الخريجين بين مطرقة ادارات تلك المدارس وسندان فلذات اكبادهم الخريجين والخريجات بدون اعطائهم ولا اي فرصة لرفض مثل هذه التكاليف الخيالية او حتى التعبير عن رأيهم في ذلك. 
 
اللجنة المركزية لاولياء امور الطلاب ترى بأنه لاتوجد اي حاجة لاقامة مثل هذه الاحتفالات الضخمة وفي قاعات الأفراح ايضا خاصة ونحن موجودون تحت ازمة اقتصادية عنيفة في البلاد والعالم تهز أركان جميع الأفراد والأشخاص.  عدا عن ذلك مثل هذه الاحتفالات والرسوم الباهظة( 1500 شيكل) بعيدة كل البعد عن أوامر المدير العام للوزارة والتي تنص بان يدفعةالخريج 200 شيكل كاقصى حد. 
 
وطالبت اللجنة المركزية وزارة المعارف بتشديد الرقابة على هذا البند حفلات التخرج واخبار ادارات المدارس الثانوية بانتظار لجان اولياء حيث مهم المخولون وضمن حدود معقولة بتحديد رسوم التخرج اذا ذادت عن أوامر الوزارة. 
 
اللجنة المركزية لاولياء امور الطلاب
                    اللد تموز ٢٠٢٢
نبض أولياء الأمور في كافة المستويات
اللد: لجنة أولياء الأمور لا وألف لا لحفلات التخرج التي تصل لمستوى الأعراس

بامكانكم ارسال مواد إلى العنوان : [email protected]

أضف تعليق

التعليقات

1
انا بعرف طلاب يا حرام ما دفعو ولا حضرو تخرجهم للاسف
فاطمه - 07/07/2022
رد
2
انا مع . هههههههه بس مش معاك انك تقول شهادات الطلاب زي اللي برجلي صحيح اهم شيئ ان يكون معدلهم برفع الراس مش الذهب ولا المكياج ولا الملابس مش لازم الفشخرة شفوني يا ناس هادا كلو كلام فاضي طلعتهم للمدرسة اللرموش والاظافر والشعر والمو تاجيم بفكرو بس بالمظاهر ومش بالتعليم كانهم رايحين على عرس هادا اللحق على الاهل الله يهديهم ويفكرو بمستقبلهم العلم نور
يافا - 07/07/2022
رد
3
عند العرب بس بنشوف هي الاشياء ! عند اليهود لا ليش؟ علشان تربايتنا فيها خلل للاسف ! لما بتربي ابنك ولا بنتك على الجخات المحمضة اكيد بده يطلع هيك ولو بدك تتداين دين علشان تخلي يجخ . صحصحوا على حالكم الوضع بقرف ومخزي
يافوية - 07/07/2022
رد
4
الواجب انه ااحفلات اتم والفرحات تعم عن شو بتحكوا انتو لما الواحد بقلك عرس بالاولاموت والليموزينا ويلا يا اهل البلد وجخات وفشخره بعد سنه او ٣ اطلقوا ليش العيشه بتكفيش تفضلوا انتو افهموها لانه بطل عنا قوه نحكي
اهلا وسهلا بالجمهور - 06/07/2022
رد
5
كله ينزل يدح الدحيه بتطلع احلا حفلات
افرحوا يلا الدحيه - 06/07/2022
رد
6
لا والف لا وانا بقول نعم ونعم لكن بحدود يعني يكون عحساب البلديه ووزاره التربيه بكون ممتاز
عجبتني - 06/07/2022
رد
7
عن اي وضع بتحكوا المجاعه قربت كله شوفوني يا عالم كله عنده ديون ابلاوي والله يعينا نقضي الشهر نصرف الواحد بطلع عشغله ويا دوب نقضي اللازم
لداوي - 06/07/2022
رد
8
كلنا مع الفرحه وانهاء الدراسه والعبور للجامعه بس بحدود المعقول الوضع صار بالتطلي حتى التطلي بطل اله طعم وصلت البلاد لانه الواحد فطور بفطرش وين احنا بهالزمن
مسلم - 06/07/2022
رد
9
شبابنا معهمش يشتروا دور والاجارات بالعلالي بترقص وانتو بدكم ١٥٠٠ شيكل شو هالحكي اي عقل يستوعبه
اه يا وجع القلب - 06/07/2022
رد
10
يا حلولو حلوت يا عالم صف ١٢ شهاده كل العالم بتوخدها حتى لو في نقص بالبجروت شجعوا لولاد والبنات بعد ما يخلصوا جامعات وبعدين مع الناس احترنا والله شو نحكي الله يصلح الحال
عوكل - 06/07/2022
رد
11
مع كل الاحترام والتقدير لدكتور زهير ليش ما كانت مناسبة التخريج بالمدرسة وما بلزم بقاعه افراح وع الاحترام والتقدير لطلاب كلها شهادة ثانوية مش دكتواره !!!!
موسى - 06/07/2022
رد
12
انا كنت معزوم على مناسبة التخريج احلف بالله يمين على ما اقول الحفله كانت كلها لا تستحق ان يدفع أهالي الطلبة هاذا المبلغ اين ضمير مربي الاجيال!!!!!!!!!
يوسف اللد - 06/07/2022
رد
13
لا حولا ولا قوةً الا باله مع كل الاحترام للمدرسة !!! إنتوا بعيدين كل البعد عن وضع الناس الاقتصادي إتقوا الله
ابو محمد ق - 06/07/2022
رد
14
حتى الاهداف الساميه اصبحت تجاريه لا علاقة لها بالتربيه والتعليم .لا حول ولا قوة الا بالله...التعليم متدني والثمن باهظ
ليلى كردي - 06/07/2022
رد
15
هههههههه بشرفي زودتوها العالم انجنت صارت موضا انا شايف كل بنت بتتخرج اهلها قضام الناس بلبسوها ذهب ولكم والله حراااااااااام في ناس ما معها توكول لما الاهل الي وضعلهم على قدهم يشوفو الشي هدا ويخجلوا عشان ما معهم يشتروا لبناتهم بكفي نظرة الاهل الي على قدهم لما ينظروا الى ابنتهم وهم مش عرفينشو يعملوا ويلا سو يقولو ويلا هدول الي بوخدو הלוואה عشان يجيبو ذهب لبنتهم ولكم صحصحوا حفلة التخريج قلبتوها لعرس انتو مصدقين حالكم ولكم كولها حفلة مدرسة على شو ذهب وهداية فخمة مهو هيك هيك بنتكم معدل شهادتها زي الي برجلي شو هية تخرجت من اكبر جامعة ؟ ترجت من مدرسة ضايعين 95% من الطلاب ما بتعلموا ولا بجو علمدرسة عشان هيك يا اهل فكروا منيح الي بتعملوا حرام احنا بوضع خربان كل شي غالي البنزين الكهرباء المي الارنونا الاجار الخضروات الفواكة اللحمة كل شي غالي والله ربنا بعلم بوضع الناس فكروا بغيركم الف مرة قبل ما تعملوا هيك
. - 06/07/2022
رد
 23
1
هو بس اللحمه يا عالم الجاج الجاج بقلكم كيلو ااجنحان بطل الواحد يشتريه رقاب الجاج وينهم مقطوعين من المحلات الكبده كيلو الكبده ولا كيلو الشنيتسل يا عالم يا هو الناس جاعت وكله بتفشخر عالفاضي
لحمه - 06/07/2022

تعليقات Facebook