-
17°C
- يافا
-
السبت15°C
-
الأحد16°C
-
الأثنين15°C
-
الثلاثاء15°C
-
الأربعاء16°C
-
الخميس16°C
-
الجمعة16°C
-
السبت18°C
-
الأحد18°C
-
الأثنين16°C
-
الثلاثاء16°C
-
الأربعاء15°C
-
الخميس16°C
-
الجمعة16°C
-
السبت17°C
فيديو: النائب سامي أبو شحادة "سأبذل كل جهدي وسأبقى عنواناً لأهلي وقضاياهم"
مهند
2021-03-02 21:38:51يعني ما ننتخبش حدا عربي بالكنيست احسننننننن !!!!!
כ
2021-03-02 16:48:40بس. ع. م. عباس
م.ن
2021-03-02 11:09:02كلامك صحيح...يافا بضلها عروس البحر !
احنا مذلولين
2021-03-02 11:06:34وحياه امي ما بطلع احط اسم ولا واحد احنا صرنا مذلولين والكل يفهم الحق علينا فكرنا انه يلا سايبه الدنيا صرفنا وبعزقنا ومحوشناش لليوم هادا مش لازم نلوم الاطراف الغلط متل ما حكى عليهم سامي بالفيديو السابق ولكم حدث العاقل بما يعقل وطز بالكل
جوابي ليافا بضلها عروس البحر
2021-03-02 11:04:01بحترم كلامك بس لازم انت كمان تصحصح هدول بنعطوش عين ولا فرص عن اي علم بتحكي سنه واكتر مفكرش واحد فيهم يعمل اي اشي يساعد الولاد وعيلاتهم سيبك عاد والله الله يرضيهم بس جمعيه يافا اطلعت للناس والهيئه الاعضاء محاولوش الواحد فيهم يتبرع ١٠٠٠ شيكل من قبضه ٥٠٠٠٠ الف وما فوق للعيلات المستوره احنا ناس فاهمه مش اغبياء وبنحبش يفكر اي حدا انه بقدر يضحك علينا لا تقلي انتخابات ولا ما يحزنون وعيب احكيها بس عن جد من قلب موجوع عبلدي بجوز يهودي متدين يتعاطف معنا ومش واحد عربي صدقني لهيك وضع وصلنا للاسف عالقليله עמותות اليهود مفرقوش بين عرب ويهود بالاكل والمنح في الكورونا احنا اللي لازم يمثلونا كلمه ما حكوا بحقنا عكلا الله يوفقهم
الي الاخت هدي
2021-03-02 10:42:56احكي باسمك انتي بس كوني مع سامي مش كل البلد يافا اهلها صحيو من الغفله المشتركه بس بدها اتكتر كراسيها علي ظهرنا وهم الي مستفيدين من الاصوات اهل يافا خلصصصصصصص شبعنا شعارات كذابه
سنفور تعبان
2021-03-02 06:07:52انا كمان بضم صوتي مش راح انتخب قوائمنا خلصت
اشرف اللد
2021-03-01 22:46:07للاسف فش عربي بشتغل مع الصهاينة بنفع عربو وناسو كولو كذب علحي كذابين اتعلمو من الطيبي كيف بشرشح الصهاينة
حلو عن سمانا
2021-03-01 21:45:30ولكم قرفنا السمع انتو شو بتستوعبوش العالم جاعت زهقتونا من كتر الحكي والجعجعه شو بغبغاءات انتو ولا شو خلص بدنا صوتنا يروح لبيبي منيح هيك كلكم كذابين العرب اكتر ناس انضرت بالكورونا لا بنوك يعطونا مصاري ولا سلف ولا شغل بالعربي حلو عن ......
طز بعشره الكل
2021-03-01 21:37:05انا بحكيش من قليل لما بقول طز يعني ولادنا وبلدنا قاعدين يشوفوا ذل وقهر ما حدا شافه والقوائم بتصحصح بس عشان ننتخبهم وبعدين احنا بنرضاش نكون فيران وانتو قطعه جبنه اللي فهم كلامي بس الفهمانين بديش اروح انتخب
بنت يافا
2021-03-01 21:24:36الكل بدور علي حالو الحمد لله اهل البلد صحيو من الغفله وين كنت يا سامي انت وصحاب الكراسي لما راحت مقبرة الاسعاف الشباب تطلع علي المظاهرات وين كنتو شباب بتنقتل ولا واحد دافع عن الشهدا بس بنشوفكم لما بدكم صوتنا الحمدلله احنا بس بنسجد لربنا وهو يتولانه بس الواحد يقول يا رب بدناش منكم ولا اشي انتو المستنفعين. قاعدين علئ الكراسي وشهريه ماشيه ولا واحد فيكم عاطل عن العمل
وين كنتوا يابا
2021-03-01 19:27:23اهلين فيكم ولا في انتخابات يلا سوقوها عاللي بفهموش مش علينا اهل يافا صاحيين منيح
يافاوي وافتخر
2021-03-01 19:23:16وانا كمان مش معهم وفعلا كل واحد يكتب انا ومش كلنا قرفنا كذب وخداع ونفاق يقعدوا عالكراسي وينسونا الكل نسي اصله اللي تربى عليه الجميع من دون استثناء
يافا بضلها عروس البحر
2021-03-01 18:48:49يا جماعه لازم نتعاون مع اعضاء الكنيست العرب اعطوهم كمان شنص ان شاء الله الامور بتنحل مع تعاون اهل البلد بتمنى من اهالي يافا يشتغلوا عولادهم ما يخلوهم يلفوا بالشوراع بالكوركينيت بالدراجات لازم نرغبهم بالتعليم ويكون جيل واعي وفهمان احنا الاءهل النا دور كبير في هادا الموضوع ياجماعه لازم الجيل اللي طالع نشتغل منيح عليه في الاحترام والادب والاخلاق ضروري نشجع اولادنا عالتعليم لانو في الوقت الحالي والظروف الصعبه والتعليم عن بعد اثر كتير عولادنا تعليمنا سلاحنا
للاخت هدى
2021-03-01 17:33:00مع مين كلنا للاسف لأ والف لأ وكل واحد يحكي باسمه احنا مش مع القوائم العربيه واعضائها
كولو كلام والبائي سلام
2021-03-01 17:13:28صارلكم ٧٠ سنة بلكينيسيت اش اعملتو للمواطنين العرب طول عمرنا منسمع بس حكي وكلام بس مع الاسف الشديد انتو بتعملوش اشي كل مرة قبل الانتخبات بتطلعو انتو ودعاياتكم بدنا نعمل وبدنا نحل وانسوي وبعد الانتخبات سلامتكم واتعيشو كمان دور برجع اقولها بس حكي وكلام كلكم نفس الدباجة ان كان من الكنيسيت وانكان عضو من البلدية كل هل قداية الي صارت بلبلد ولا اشي انحل بس بذيد عمالو والعنصرية بس بتذيد عمالها وكل تنين وخميس الشرطة بتلطش فينا وغير هدم البيوت وغير الاوقاف وهلاء كمان نهفة جديدة العميدار على اش نتخب انتخبنا ويلا ما انتخبناش علفاضي كولو بطلعش منكم اشي انتو كلكم قتل شباب ولا مستقبل شباب حتى المدارس مدفوعلهم ما يعلموش الطلاب نفسي مرة تحكو اش اعملتو للمواطنين العرب هادا الاشي بتحكوش بس بتحكو بدنا نعمل
هدى
2021-03-01 17:00:44يافا كلها معك يا سامي الغالي !
يافيه بهمها مصلحة اهل بلدها
2021-03-01 16:39:03الناس مش غنم لحتى تمشي وراه الراعي بكفي مسخره على الناس الشارع اليافوي كتير مصحصح
سوار
2021-03-01 16:26:52الحكي ما في عليو جمرك يا اخونا سامي
راني شنير يافا
2021-03-01 16:24:50ههههه حلو كتير هشتكنا وبشتكنا يا ريس يا مشخلعنا ويا مدلعنا ؟!!! هادا الكلام سرلنا سنبن بنسمعو يا سامي سرلك سنين في الكنيست ولا قرار اتصوت علي لصالح يافا ولا حتى حلول ولا بدائل معا كول الازمات ال بنمر فيها من زمان خلس شبعنا حكي بدنا افعال
تحميل
تعليقات Facebook
أخبار ذات صلة
التعليقات