-
20°C
- يافا
-
الأحد17°C
-
الأثنين17°C
-
الثلاثاء15°C
-
الأربعاء15°C
-
الخميس18°C
-
الجمعة16°C
-
السبت16°C
-
الأحد16°C
-
الأثنين16°C
-
الثلاثاء17°C
-
الأربعاء17°C
-
الخميس18°C
-
الجمعة19°C
-
السبت19°C
-
الأحد20°C
الرملة: طُردتِ الطالبةُ ياسمين لأنها "لبست حجابا"، لا يحترم قوانين المدرسة!
تلقت الطالبة ياسمين عطية أبو لبن من مدنية الرملة أمرا بفصلها عن مقاعد الدراسة، كونها لبست حجابا من إيمانها الخالص المطلق.
وعلى أثر ذالك تم استدعائها من قبل إدارة المدرسة في محاولة التراجع عن هذه الخطوة التي ستدفع باتجاه ابعادها عن الفصل الدراسي تمهيدا لفصلها من المدرس للأبد.
ووفق التعليل الذي تلقته الطالبة أن لا مانع من قبل الإدارة من ارتداء الحجاب خارج المدرسة وان ارتداءه في رحاب حرم المدرسة سيدفع الطاقم باتخاذ إجراءات في فصلها كون الخطوة لا تنسجم مع قوانين المدرسة ويتنافى مع دستور المدرسة التي أقيمت على أساس انها مدرسة مسيحية وان المؤسسة لا تسمح بمثل هذه المظاهر فيها.
من جانبها حاولت الطالبة بمرافقة ولية أمرها مناقشة الامر في محاولة إقناع المدرسة بأن الطالبة ملتزمة بالزي المدرسي كاملا، وان المنديل ليس من شانه المساس في دستور المدرسة أو مكانتها كمؤسسة تربوية مسيحية مطالبة من إدارة المدرسة التراجع عن هذه الخطوة المجحفة بحقها.
في حديث للطالبة ياسمين قالت:" انا طالبة مجتهدة من الصف الحادي عشر ملتزمة بكافة القانون وان هذا اللباس لا يتعارض مع قوانين المدرسة وأن إجراءات الإدارة الحالية لا تستند بمسوخ قانوني. ولذا أطالب من المدرسة التراجع عن هذا الإجراء المجحف بحقي سيما وأنا على أعتاب مرحلة حرجة من حيث الامتحانات والمتطلبات المرحلة من بجروت ووظائف ونحوه.
وأضافت:" انا لن اتراجع عن موقفي. وهي رسالة للجميع أنني مقتنعة بهذا الإجراء وليس لأحد أن يملي عليّ أن أغير من قنعاتي الشخصية وحرية الاعتقاد، وسأستمر في قضيتي إلى النهاية".
وأكدت:" بفضل الله اتلقى الكثير من الاتصالات تدعم وتشد من عزيمتي حتى أنال حقي الكامل فأنا أحب مدرستي وأحب زملائي في الفصل، وأحب الطاقم، وكذلك المديرة. وأمل أن يمنحوني حقي بالرجوع قريبا".
وجاء تعقيب المدرسة على ما جاء في التقرير اعلاه ما يلي:
كسلاوي
2023-11-03 05:10:25هذا تطرف وغباء مسيحي نذل ووقح
مسلمه من الرمله
2023-10-27 21:30:42المدرسه معها حق ..انقلعي على مدرسه الهدى ياختي اذا هوما عنصريه.. .المدرسه معها حق لنو هوما بعلمو عن دين المسيح كيف تكون وحده متحجبه
واحد
2023-10-27 19:09:14هل يجوز للمحجبات التعلم في مدارس مختلطة؟
وليد
2023-10-27 10:15:05بعيدا عن التعصب الديني ، من الواضح ان هذا الموقف هو موقف متطرف عدائي موجه من قبل مؤسسه بالاصل دينيه ترفض رفضا باتا الررموز الدينيه للاخر ولكن ترسى الانتفاع من الطلاب وجباية الاقساط المدرسيه ! وعليه يجب مواجهة هذا من قبل كل من يشعر بالتهديد بهذا توجه سواء كانو مسيحين او مسلمين ومقاطعة المدرسه واسقاط هذه المنابر الحقيره التي من الغريب جدا استمرار سياساتها العنصريه والتفرقه على اساس ديني في ال٢٠٢٣ . مقاطعتهم والقائهم الى مزبلة التاريخ والعصور الوسطى التي ازدهرو فيها وبث السموم في المجتمعات الاوروبيه ومكن الكراهيه والعداء . الراهبه لبسها الديني هو المنديل فما بالكم تعترضون على قناعات هذه الفتاه !!!!
ابن يافا الحر
2023-10-27 07:21:05اللهر ينور قلبك ويقوي ايمانك انت في مرحلة الامتحانات ضايل سنه او سنتين وبتنهي التعليم وبعدها اتديني بخاطرك بلاش تعمليها قصت عناد واتهامات باطله وعنصريه المدارس المسيحيه الها فضل كبير على كتير من الاجيال وعلى الطلاب المسلمين ومستوى التعليم فيها بشرف وبفوق كتير من المدارس الحكوميه بفضلهم شبابنا يتوجهوا للجامعات ويحصلوا على اعلى العلمات وبشرفوا يافا واللد والرماله سيبكم من الحكي الفاضي انتبهي لدروسك وتنجحي وهادا بمنعش منك اتكوني ملتزمه الايمان بالقلب اولاً ويصدقه العمل والله لا يخفى عليه ما في القلوب بتمنالك النجاح والتفوق وبدون عناد والتسامح صفة المأمن دوماً
يافا
2023-10-26 22:04:22ولن ترضى عنك اليهود ولا النصارى حتى تتبع ملتهم صحصحوا يا مسلمين واعتزوا بدينكم ومن اصدق من الله حديثاً ؟!
سؤال
2023-10-26 05:09:29شكلو المدرسة مش رح ترجعك عشان قوانينها "אז" شو هدفك من هالمقابلة ؟
باي باي
2023-10-25 21:21:54روحي اتعلمي بجمعه ازا ميش عجبك قوانين هي المدرسه
مسيحي من الرملة
2023-10-25 18:26:39انا مبسوض وفرحان علي بسير لانة المدرسة الاردكسية ضلعو اولادي ونصبة بناتكم واولادكم
معلمه
2023-10-25 16:28:58كفاكم جهل! وكفاكم عنصريه!
مسلم
2023-10-25 14:40:53كنت ناوي احط بنتي بمدرسة خاصة "كنسية" في يافا ووالله طاعة للله وغيرة على الدين سأضعها في مدرس حكومية احسن وافضل، كله الا الدين الي بحترمناش مس لازم نحط اولادنا عنده.
خوله
2023-10-25 14:02:39وين راحت المحبه...يا خساره... الدين محبه وتآخي !!!
سناء
2023-10-25 10:39:12احنا ننادي بالتآخي.. هادا اللي صار عيب بحق الانسانيه... !!
يافاويه
2023-10-25 10:30:56مع احترامي للجميع ، الدستور واضح كان من المفترض انا تختار ياسمين المدرسه التي تتناسب مع مبادئها، دينها .. وما شابه
زكريا
2023-10-25 10:21:32زي بالمسحية بلبسو صليب عشان هم مسحية البنت المسلمة بتلبس الحجاب عشنها مسلمة وهاد امر الله وين المشكلة ؟ يجب تقبل الغير بالفعل وليس بالكلام
مريم
2023-10-25 09:03:34كل الاحترام للبنت الي تحجبت لا تكره شئ لعله خير لكم وان شاء الله ربنا بعوضك بالدنيا والآخرة وكل واحد منا لازم يعمل تغير بحاله عشان تتغير الآمة ان شاء الله تفوزي بالمحكمة واذا لا لا تحزني ان الله معك ان شاء الله
يافا
2023-10-25 06:28:55للاسف كمان بيافا ما بقبلوا طالبات متحجبات لازم حد للموضوع هادا لكل الوقت
نصيحة من القلب الى الاهل المسلمة كما امرنا الرسول صلى الله عليه وسلم
2023-10-25 05:51:41المسلمين بفكرو حطو اولادهم بمدارس "ببيئة" منيحة؟ اي "بيئة" يا الله لما اولادك يكون لهم أخلاق ميش مسلمة اي بيئة لما بنتك بكون لبسها ما يرضي الله اي "بيئة " لما بنتك ما عندها أهداف للاخرة اي "بيئة" ؟ واذا مات وبنتك بقت بهاي البيئة ؟ واذا بنتك ماتت وهي بهذه الاخلاق والمعاصي الي بتعملها بالمدرسة؟ كيف رح تجاوب ربنا على هذه "البيئة" ؟ اتق الله بولادتكم وبناتكم لانه سنسأل عليهم يوم القيمة
يافا
2023-10-25 05:43:58الى اهل البنت انا بتماه انو توصلو احل احنا اولا شي عرب لازم يكون ناس اتحل الاوصه لتفاهم عشان مصلحتك البنت لا ادخلو ناس محترفين يحلو قصه زي هي أرجو يكونو ناس بدهم الخير البلد وفي عندكم في الرامله اهل خير والله يجلب الخير على كل البلاد مسلمين مسحيه واحد لكنه عرب اولان يا جماعه الي عندو كلام حلو يحكي وشكران
ابوحسام
2023-10-25 05:16:06على الاهالي تلقين الادارة درس واضراب الطلاب واغلاق المدرسة
مسلمة
2023-10-25 05:13:06الغلط من الاساس ع الاهل انه بتعلم اولادها بمدارس مسيحية بالنهاية كلهم بياخدوا نفس البيجروت وبتعلمو بجامعة نفس الجامعة بس عالم بتحب تتباهى انه طلعو المسلمين من هاي المدارس وشوفو كيف راح تسحر وتفلس المدرسة
مسلم واعتز والحجاب نور للفتاة والمراة
2023-10-25 03:41:39اختي ابنتي اخترت طاعة الله ومحاربة الضالين، سيري على بركة الله، ومن أرضى الله بسخط الناس رضي الله عنه وأرضى عنه الناس والعكس صحيح، اما بالنسبة للمدرسة المذكورة فقرارها هذا هو حرب صريحة على شريعة الاسلام!! وعلى المسلمين جميعا إخراج أولادهم من هذه المدرسة والتي تحمل اسم ديني مسيحي وكذلك المنهج، والله مدارسنا العربية تكفي الذي يريد العلم يتعلم في كل مكان. في يافا بالتحديد طلاب المدارس الخاصة" المسيحية " يتلقون دروس خصوصية عند معلمي المدارس الحكومية في المدينة . انصح اولياء الامور باخذ موقف واضح والانتصار لدين الله.
مصطفى أبو غانم الشيخ الرمله والموعاتيم
2023-10-25 03:19:25حسبنا الله ونعم الوكيل والله عيب عليهم.. الله يفرجك عليك أنشأ الله نتمنى للك التوفيق والنجاح والسعادة
عربي
2023-10-25 01:56:22يرحم ابى اساسا الديانه المسيحيه بتفرض الحجاب ومسيحية زمان كان يلبسو على روسهم هاي مش مدرسه مسيحيه هاي مدرسه ماسونيه
روضه ح.
2023-10-25 01:15:00يعني اكثر من ٦٠ بالميه من طلاب المدرسه مسلمين،ومعروف عن مدارسكم لا تقبلون الا الطلاب المجتهدين جدا ، حتى وان كان مسيحي وغير مجتهد لا تقبلونه فبضطر للذهاب إلى مدارسنا العربيه العامه. يعني المدرسه بتعرف انو الطلاب المجتهدين هم الي عاملين اسم للمدرسه ،وبنفس الوقت ول الطلاب بدفعها مبالغ كبيره كل شهر ،يعني المدرسه لا تمن عليهم ،بل هم يمنون عليها انهم اصلا مجتهدين وعاملين سمعه طيبه للمدرسه،وايضا دافعين مصاري.
من اللد
2023-10-25 00:38:53ياسمين تطبق اشرف واسمى واعلى قانون... ثم يأتون ويقولون قوانين !!!!! اثبتي ياسمين والله معك ... لم نتوقعها فعلا منكم !!!! دعوا الطالبة وشأنها فمن عندها تاتيكم البركة!!!!
ابن البلاد
2023-10-24 23:51:05عيب على الموقع ان يعمل فرق تسد عيب اصلاً ان ينتشر هذا الموضوع علي ان تفكروا اكثر لقدام انني شخصياً اعلام من كثير من الناس ان الصراحة بتراجع شو يعني اذا كان الحجاب ام انا شخصياً كمسيحي ارد ان اقول لجميع من يعمل في التربية عليكم ان تتعلموا اول ام كانت محجبه هي ام البتول مريم العذراء لها المجد والكرامه ادخلوا على الكنائس وانظروا الى جميع الايقونات ثم ترى امنا العذراء هي الاولى التي كانت محجبه
مسلمة تعلمت في مدرسة مسيحية
2023-10-24 20:52:02حبيبتي مش وقته هدا.. ركزي بدروسك هاي السنة مصيرية عندك بجروت.. وان شاء الله السنة الجاي بتحطي الحجاب.. بتقدري تلبسي وشعرك بضبي وحطي בנדנה .. القصد مش تفردي شعرك .. نص كلامك عبري.. الله يهدي الجميع
يافا
2023-10-24 20:50:23الحق عالمسلمين الي بتحط ولادها بهاي المدارس اغلبية الطلاب مسلمين لو الناس بتسحب ولادها من هاي المدارس بتفلس وبتسكر بس يا عيب الشوم علينا
فخوره بحجابك ياسمين
2023-10-24 20:29:17وكل تعليق انكتب انو بتحكوا انو من الاساس هي عارفه حاله انها بمدرسة مسيحيه اش يعني انت ميش ناويه بنتك تحجبك لصف ١٢ ايش ضامنه انها اطلعت عايشه شو هالحكي التافهه من الاثاث يرفضوا المسلمين هاد الصح انهم مصلحه الهم بس عشان ما عندهم عدد للمدرسه ومصرياتك ميش حبا فيكي والي كتبت هاي فتنه ما فتنه الا كلامكم النبي وصى عليه الصلاة والسلام لنقل خيرا او لتصمت يعني ما الك كلمة خير تدعمي دينك وكلمة حق بوسيمي تسكتوا عيب عليكم وعلى تعليقاتكم مريم سيدة نساء الجنة شو كان لباسها اصلا همم كيف بيرسموا بالباستا الشرعي لباس اسلامي حجاب كامل
افتخر بديني
2023-10-24 20:23:31السلام عليكم اوجهه رساله للمدرسة ٦٠/: من الطلاب عندك مسلمين يعني الاغلبيه وانتو ما يتعلموا عندكم المسلمين ويتمنوا عليهم انتو بتستقبلوا بس الطلاب الي عندهم قدرات عاليه يعني بيرفعوا مستوى المدرسه وبعدين بيندفعلمم ما بتمنوا عليهم وكمان الاهم بتعرفوا كلكم انو هاي المدارس ما بتقبل تعطي حق حتى الطلاب حق تعليمي الي بيدفعوا حق تعليمهم درس دين اسلامي الطلاب المسيحيه بيتعلموا دينهم والطلاب المسلمين بنفس الحصه ما بيعطوهم حقهم ومره حاولنا انو يستقبلوا اخت متطوعه تعلم الدين الاسلامي ما وافقوا انو حق بتحكوا اوانو يقدموا وحده دين
جورج
2023-10-24 20:22:24هاي مدرسه مسيحيه يلي عاجبو اهلا وسهلا ويلي مش عاجبو يروح يشرب من بحر الميت.
ف.ط
2023-10-24 20:14:02انا بعرف في مدرسة يهود بتسمح ل طالبات ان يأتوا للمدرسه بالحجاب...ولا تمانع ابدا !!! عنجد هادا تصرف غير لائق من قبل المدرسه !!!!!
طالبة مدرسة
2023-10-24 20:08:42انا كنت طالبة بالمدرسة والي فعلتة المدرسة بالطالبة ياسمين شئ محزن والواحد بخجل بالمدرسة وبالي بأيدهم على فعلهم… الواحد لازم يتقبل الكل وما يعمل تفريق بين اهل البلد.
وفاء
2023-10-24 20:07:08والله عيب وعار...!!!!؟،*
جوعان
2023-10-24 20:01:26كل الاحترام الك وما تسيبي الحجاب عشان مدرسة والحجاب والدين اهم من التعليم بيوم القيامه ربنا بيسألك مثلا ليش عِنتي الحجاب او ما تحجبت تقوليلهم عشان خاطر مدرستي ومعلميني ... لما اخذتي هاي الخطوة هاي اكثر خطوة لله سبحانه وتعالي شيء اكثر من الجيد وانتي لمل لبستي الحجاب هاد انجاز وانتي ما شاء الله عليكي مش زي بنات ثانيات بيلبسوا نص حجاب وبيبينو نص الشعر او رقبه الله يثبتك وترجعي على المدرسة بأقرب وقت وينجحك بحياتك يعني هاي المدرسة صح مسيح ومسلمين بس مش راح تفرق منديل يعني غطت راسها زي ما بيلبسوا الناس بالشتاء لفحه وطاقيه ياسمين لبست حجاب وشيء بالمرة مش حلو اللي عملو مدرستها وهاي المدرسة للطلاب المجتهدين وطبعا كل المدارس للمجتهدين والرائعين بس زي ما انو الاردوذكسيه مستواها عالي يكون قانون عادي يلبسو الحجاب وحريه شخصيه عشان يمثِّل مستواها العالي والف مبارك الحجاب لياسمين ♥️
ماجد
2023-10-24 20:00:50حجابك تاجك نور الله يثبتك وكلنا معك ياسمين قصة ياسمين لن تمر بسكوت كفى صمتا
رملوية
2023-10-24 19:57:47المدارس اليهودية بتتقبل معلمات مع حجاب ومدارس في أروبا بتتقبل طالبات بالحجاب وموظفين بالحجاب… ليش عرب المسيحيه ما بتقبلو ؟
وائل
2023-10-24 19:47:37هذا كلام مش مزبوط من المدرسه عنا في الأردن المسلمين في مدارس المسيحيه لابسين حجاب
حضرة المفتي خبير الدراسات الإسلامية
2023-10-24 19:47:32انا شخصيا احترم واشجع هذه الطالبة البطلة التي اعلنتها صريحة واضحة وضوح الشمس في رابعة النهار. اصمدي يا ايتها البطلة وأن شاء الله تنالين كل حقوقك بإذنه سبحانه وتعالى جل جلاله وعم نواله. اما انا اذا عندي بنت طالبة في المدرسة المسيحية وطلبوا منها لباسا منافي للشريعة الإسلامية ولكن يتعارض مع الذوق العام لمقاصد الشريعة والأخلاق العامة طبعا اوافق أن ترتدي ذلك اللباس بدون اي تحفظ احتراما وتقديرا لدستور المدرسة المسيحية الموقرة.
سامية
2023-10-24 19:40:34كفاكم فتن !!! انصح الطالبة بالتوجه لمدرسة الهدى في الرملة فهي مدرسة اثانوية اهلية اسلامية.. المدارس الاهلية هي مدارس لكنائس مسيحية تبشيرية لها قوانينها ورموزها فعلينا احترام هذه القوانين وعدم نشر الفتنة فلا المكان ولا الزمان مناسب لهذه الفتنة.
رمله
2023-10-24 19:35:06انا من رأيي مش مشكله اذا لبست حتى لو كانت المدرسه مسيحيه مش راح يأثر على البنات او الاولاد المسيح لانه كله حجاب مش اشي ثاني خطير يعني المسيحين مع كل احترامي بيشوفوا مسلمات مع منديل على الشارع وهما ماشيين اكيد ما بضاعتهم الاشي واصلا يمكن بهتموش للمنديل والمدارس المختلطه مسيح ومسلمين يعتبرو كأنهم بالشارع ومش راح حظ مسيحي يجي يضرب وحده لابسه منديل مش مستاهل الاشي ما دام زي ما بتقولو " شعب واحد" وصحيح هاد الاشي وبتمنى ترجع البنت عالتعليم بس ضايل لها سنه وبتطلع من المدرسة وبعدين بتقدرو توضحو بالدستور ممنوع الحجاب ومن ناحيتي بدعمش هاد الاشي انو ممنوع الحجاب وبدي احكي مبروك لياسمين الامورة♥️♥️ زادك جمال️
رملاوي
2023-10-24 19:29:04على أهل البنت ان يتوجهوا إلى الشرطة وبعدها إلى القضاء، لأن هذا التصرف عنصري وغير قانوني، ولو كان هذا التصرف في مدرسة مسلمين ضد بنت نصرانية لقامت الدنيا ولم تقعد، ولاتهمونا بالعنصرية والتخلف. ضروري جدا جدا رفع دعوى قضائية ضد المسؤولين عن طردها.
محمد
2023-10-24 19:28:59هذا. لا. يقول. إن. البنت. لا. تتحجب. هذه. حريتها. الشخصيه. لا. مانعا. لها. إن. تتحجب
ك..ك..ك..
2023-10-24 19:24:42تمسكي بدينك وحجابك فانته فخر لكل من يقدر الافتخار..حماكي الله بحمايته بأذن الله راسك مرفوع فوق رؤسهم.
مريم
2023-10-24 19:24:04الحق علينا، لو عنا ذرة كرامة بنسحب كل اولادنا من المدارس الكنسية العنصرية خلينا نشوفهم كيف رح يمولوا هاي المدارس بدونا.
امه الله
2023-10-24 19:22:17هذه عنصريه الحجاب مابيضاقهم الرهبات علي راسهم حجاب ودعاء الصباح تبعهم واغلب المدرسه مسلمين تفضلوا فكرو بفتح مدرسه خاصه للمسلمين والرهبات نفس الاشي ما ضيعي وقتك
00000
2023-10-24 19:21:58مدرسه مسيحيه. ويحافظون على قيم ايا قيم يا مديره انت ليس عندك قيم واللجنه التي لا تعرف معنا القيم ولا الاخلاق ورد الجميل انتم عار للمجتمع
سالم
2023-10-24 19:17:55برأيي يحق للمدرسه فرض نظام معيّن لكن تغطيه الشعر لأسباب دينيه حق أساسي يعلو ولا يعلو عليه نظام أو غيره وبما أن الفتاه تلبس الحجاب تديّنا وليس من باب آخر فهذه عنصريه من قبل المدرسه.
يوسف اللد
2023-10-24 19:14:43فالتبان عنصرية الطائفه المسيحيه في الرمله وباقي المناطق هؤلاء لا يصلحون ان يكونوا مربين ولا مدرسين الا بزريبت اغنام ٧٠% من الطلاب مسلمين وهكذا يتصرفون معهم اصمدي يا ياسمين وحاربي حتى ترجعي الى الدراسه عند من لا قيمت لهم
ك.ك.ك.
2023-10-24 19:12:04أكبر عنصريه لامثيل لها ...تعلمو من اهل يافا نحن اخوه..نحنا مسيحيه وأسلام بيت واحد نشارك بعظنا البعظ..ع...الحلوه والمره
ليلى كردي
2023-10-24 19:07:41انصح الأخت ياسمين ان تلتزم للمدرسه فقط لباس الراهبات فهو لا يتعارض مع شرعية لباسنا وسيرحبون بك.
ابو موس
2023-10-24 19:07:30لا حولا ولا قوة الا بالله .......
مسلم
2023-10-24 19:03:05شو هاد التخلف العنصري مذا مشكلتكم مع الحجاب ؟ الا تخجلون ان بقيتم على هذا النهج العنصري الديني للاسف المدارس المدعومه من اوروبا تنتهج صفات عنصريه عندما الامر يتعلق بلمسلمين
اهل البلد
2023-10-24 19:02:50اسالو المدرسه ستنا مريم ماذا تلبس على راسها اذا هم مسحيه على طريق المسيح
عبير
2023-10-24 19:02:50فخورين في دينا ونعتز الف مبروك الله يثبتك الله ما بنسا حد ياسمين
علي
2023-10-24 19:02:37طول عمرها المدارس المسيحية بتقبلش الحجاب، واذا الاهل بعرفوا لايش الفتنة؟
لداوي
2023-10-24 19:02:24كل من له اولاد في المدارس المسيحيه يجب ان يخرجهم وان لا فهو لايستحي وحيف عليه وعلى تعليم اولاده
مصطفى
2023-10-24 19:01:46يا عامي في قانون في المدرسه بنت ابن عمي تتعلم هناك وكلنا عارفين القانون....وبلاش تعملو فتنه من ولا شي.....كل احترامي للمدرسه
ام احمد
2023-10-24 19:01:30المدرسة بهذا القرار خسرت مبلغ وقدرة من هذه الطالبة ، ولكن هذة الطالبة ربحت اخلاقها ودينها . يعني بالعاميه بناقص من هذه المدرسة وروحي على مدرسة مسلمين احسنلك .
مسلم
2023-10-24 19:01:26من ترك شيئا لله عوضه الله خيرا منه لست بحاجه إليهم ومن يتق الله يجعل له مخرجا و يرزقه من حيث لا يحتسب لا طاعة لمخلوق في معصية الخالق
...
2023-10-24 18:59:51يطرح السؤال كيف لو كان السيناريو عكسي؟ لتهمو الاسلام بالف تهمة...
لندي
2023-10-24 18:57:35اش ياما
تحميل
تعليقات Facebook
أخبار ذات صلة
التعليقات