-
23°C
- يافا
-
السبت18°C
-
الأحد17°C
-
الأثنين16°C
-
الثلاثاء15°C
-
الأربعاء17°C
-
الخميس16°C
-
الجمعة17°C
-
السبت18°C
-
الأحد17°C
-
الأثنين18°C
-
الثلاثاء18°C
-
الأربعاء19°C
-
الخميس19°C
-
الجمعة20°C
-
السبت20°C
الشيخ د. محمد عايش: "الصمت على جوع غزة أشد إيلاماً من الجوع ولا بد أن نكسر حاجز الصمت"
وجّه الشيخ د. محمد عايش، إمام مسجد البحر في مدينة يافا، نداءً مؤثرًا لأبناء الداخل الفلسطيني، داعيًا فيه إلى التحرّك نصرةً لأهالي قطاع غزة الذين يُعانون من الجوع والدمار نتيجة استمرار العدوان الإسرائيلي.
وقال الشيخ عايش: "تصوّر أن يكون أهل غزة خصمك أمام الله سبحانه وتعالى، ماذا ستفعل وماذا ستقول بين يدي الله؟ المؤلم ليس فقط الموت من الجوع، بل الصمت على هذا الذل، فالصمت يؤلم أكثر من الجوع".
وأضاف: "هم يجوعون ونحن صامتون. لا بد أن يفعل الداخل شيئاً، وهذا نداء استغاثة لأهلنا في غزة. فلنقم بوقفات احتجاجية قانونية صامتة، بمسيرات إضاءة شموع صامتة، معذرة إلى الله سبحانه وتعالى، المهم أن نكسر حاجز الصمت الذي يؤلم أكثر من الجوع".
ودعا الشيخ عايش إلى تحرّك شعبي قانوني في الداخل الفلسطيني، مؤكدًا أن المطالبة بوقف الحرب هي مسؤولية أخلاقية ووطنية وإنسانية، وقال: "اليسار الإسرائيلي يخرج في مظاهرات ويطالب بوقف الحرب، فنحن أولى منهم بهذا".
وفي ختام حديثه، ناشد الشيخ أبناء الداخل بإعلان حملة صيام حتى انتهاء الحرب، قائلاً: "آن لنا أن نشعر بإخواننا، وأن نخرج في مسيرات جماهيرية قانونية وصامتة في كل البلاد حتى تتوقف هذه الإبادة، وهذا أقل ما نقدمه".
مقتل الشباب
2025-07-21 18:21:33امر مهم للغايه انا مع الناس ولاياكم بتصرخ كفى لمقتل اولادنا يا مشايخ ويا مؤسسات ويا متبرعين اتبرعوا لولاد بلدنا كلام صح وفش في غلط الشباب بتدمر
لما يكون موافقه من فوق
2025-07-21 11:49:45الناس تتبرع أكل فقط وانا بعرف شو بحكي
سؤال
2025-07-21 01:13:02لكل اللي بحكوا وبتفلسفوا. في حدا عنا مات من الجوع!!!!!! في حدا ولادو ببكوا بدهم كسرو خبزه وما في.. !!! عن شو بتحكوا...!! هل في مقارنه بين وضعنا والوضع ب غزه!!!!! انتقوا الكلام الحق!!!!!
ا
2025-07-21 01:05:41شيخ انا ما حملتك مسؤليه اهل غزه لا يكلف الله نفسا الا وسعها لها ما كسبت وعليها ما اكتسبت وين السعوديه وين مصر وين سوريا وين الدول العربيه اين الملوك هدول عندهم قوه وسلاح ومصاري اما نحن لا نملك شيء وان تكلمنا عن غزه سيقولون تحريض בעד טרור ومش راح نشتغل ولا نتقدم اليوم الله يرضى عليك شيخ الناس تعبانه ويلا ملحقها عبيتها واهلها بس ايزا بتعمل صندوق تبرعات لاهلنا في غزه بكون احسن حل الجوع حلو المال والأغاثه اما القتل فهو يخص من لديه جيش هو موكل بذالك لمن اليهود يحاربو قريه (يافا)مش زي لمن دوله تقف في وجوهم هناك دول عليها ان تقوم بذالك
الله واكبر
2025-07-21 00:53:35الله اكبر الله واكبر الله واكبر شيخ هاي الحرب لكي نعتبر لا اكثر ولا اقل احسن طريقه لفك الحصار هو ادخال الطعام وتبرعات اما القتل فهناك من يقتل ايضا احسن حل شيخ المشايخ الي قاعده بمكاتب ومؤسسات ان تتكفل بهاذا الشيء ابناء بلدنا عايشين بأزمه وقله بس الشغله مصاري فكلنا بنتبرع من الصغير للكبير اما مسيره وسجون كان زمان هادا عنى ولادنا واهلينا فوق كل شي
عابر
2025-07-21 00:36:08اسمع يا اخي احسن شي تنادو للصلح بين العائلات كل يوم قتل ببلد غير وكل واحد بيخاف يحكي مع جاره، الله راح يحاسبكم على سكوتكم على حرماتكم أولادكم بكرا الدور على عرب الداخل بيعطوكم كل الحرية لحد ما يخلص من كل انشغالهم بغزة والضفة والدور على الداخل كل واحد يجهز أوراقه ليثبت أنه الأرض ملكه لانه قربت وربي قربت الله على الظالم والجواسيس
ا
2025-07-21 00:31:59الحل الوحيد هو التبرعات هاي الحرب شو بدها تجيب تجوع والم وبعدها جنه
ا
2025-07-21 00:31:06احسن حل تبرعات
محمود...
2025-07-20 22:57:39سامحوني لو متعلقو بكون أفضل الشيخ محمد قترحلكم أمور ومظاهره سلميه لا أكثر ولا أقل . عن أهل غزه بدهم رجال أمثل الجبال عندهم موجودين مش عندكم .كنا نستهزء بلإنفاضات وماكان يحرك فيكم ساكن ورعرفو أن النصر حليف المؤمنين.وكمان أش دخل الأجار والدور نرتمي بشوارع عشان نعيط لليهود يدفعولنا إيا يعمي بكون أحسن نتقبل الإقتراح ونطيع ؤلي الأمر منا ومن غير رفلسفه أحسن ومتعلقوش عوجع أنتم لم تعرفوه ولم تذوقوه.وندعو لهم بلمساجد وبعد الأذان وفي ساعات الإجابه يكن أفضل من التفاهات والله غالب على أمره ولاكن أكثر الناس لا يعلمون
معلش
2025-07-20 22:10:44للي برد باسم يافا انا بعرف شو قصدي من تعليقي مش راح تكون فهمان اكتر مني مهما كتبت سمعت عن اللبيب من الإشاره يفهم بس انت غبي ركز بتفهم يا شاكر بدك عمر بطوله لتفوت خلايا ظخي روح اشرب مي وروق اعصابك بعيد ومحدش طلب منك ترد يكوتك خير للبشر
عربي
2025-07-20 21:44:24الكم الله يا اهل غزة الي شايف حاله ابدى منهم جهنم ابدى اله
يافا
2025-07-20 20:59:58رد على المعلش. اذا مفكر حالك انك ابدا من أطفال غزه واهل غزه. اعرف انك عمرك ما رح تشوف الخير يلي بطلع على لقمه جعان تحرم عليه عيشته بني آدم انت او انتي حسبنا الله ونعم الوكيل فيكم استعين عليكم بالله العلي العظيم بكل متخاذل عنك يا غزه ولكم ايش انتم بشر. ليس الزلمه قال ما فينا نسكت اكثر من هيك انت او انتي. يلي عايشه في الإيجار. بدل المصريف لمحمضه يا ناقص يا نقاصه. اذا انتي ابد من اهل غزه انتم ابد في جهنم لكم انتم ابدا فيها. عجل والف على العالم كله خليته أطفال غزه برقبت كل مسلم اي خلص عاد بكفيكم انكم ابدا ربنا ما يبدي عنكم نار جهنم بكفيك شحدي. ونواح على وضعكم. يارب كل من قال انه هو ابدا من اهل غزه يذوقه اللي ذوقوه أهل غزه الله ريته ساحق وماحق على بدنك انت وياها خلص بكفي. نواح على وضعكم ما دام وضعكم صعب القد وانتي ابدا من اهل غزه بلاش شمات الهوى وجخات لمحمضه وبدي حالك من حالك يا معلش حسبنا الله ونعم الوكيل فيكم استعين عليكم بالله العلي العظيم
حسين
2025-07-20 20:55:24اسألك بالله شو بدو يساعد صيامنا وجوعنا والابادة مستمرة غاد ولا هو جر حكي
حسب الدين الذي تتكلم عنه الجواب
2025-07-20 20:54:20الإجابه كثره الدعاء والله يا أخي الناس تبرعت كتير لما سمحولهم والناس مكانش معها والصيام لعند الحرب شو قصته المسلمين مصاموش رمضان كانوا بجوامع يصلوا بدون صيام ولا عندهم عذر الكل كان يوكل ويدخن بالشوارع والزلم الكبيره دايرين قبل الصغار عشوا بتخبصوا
شرشبيل
2025-07-20 20:50:22الظلم ظلمات مع كلامكم الشباب ضحايا عنف لكتير أسباب انشغلوا بامورهم واصلاح اللي عندكم جميعكم محاسبون ومش كل مين صلى بعرف الله ولا كل مين قال انا موسى بجوز كافر منافق والتاني فرعون
لكل اعل ال٤٨
2025-07-20 20:43:45اتبرتوا عنا بلبلاد افتحوا مراكز ومساجد وضموا الشباب اللي بضيع ملعب كره قدم قعده شبابيه ترضي الله ونفحات أيمانيه كل ليله ومحدش يقلي لا بلاد غيرنا ولا ما يحزنون بلدنا يافا بدها كتير دعم وكلكم أمام الله ستحاسبون لأنكم تتركون شبابنا للضياع انتم منافقون
للي بعلقوا هاي حقيقه لبلاد
2025-07-20 20:41:18ناس تسخمت دفعت مشكانتا واجارات ومقدرتش تكمل من الغلاء وناس انفتحلها الجوامع سكن ومبيت هل يعقل ناس سنين بكاملها مكانتش تدفع اجارات للاوقاف قبل ما يصير نظام الواحد فيهم جوز أحفاده بدور الأوقاف على مدار ٣٥ سنه ولا بقلك قال الله وبال الله الدين مش لعبه انتو بتضحكوا عحالكم مش على الله الذي يعلم كل صغيره وكبيره الداخل معوش يوكل شبابه بموت وين كنتو
وانا بقول تخيل خصمك يوم القيامه التخاذل عن مبتل الشباب ببلادنا
2025-07-20 20:36:44يلا تفضلوا مسمعناش ولا شيخ ولا عضو كنيست ولا واحد من المؤسسات ولا الرجال الداعمه تفضلوا وين ردكم كل القصه هاي بتدخلش عقول اهل البلد اولا واحد بده يضيع لا حاله ولا ولاده
عن اي فتوى بتحكوا ولا المهم تعلقوا
2025-07-20 20:33:11الفتوى الاصح امهات الداخل اللي بتصرخ بتفقد ولادها ولا هدول مش نسائكم وبناتكم وشرفكم لما الا تموت قهر عقتل ضناها يلا احكوا لأشوف انا كل اامقال مش داخل فكري واللي بده يوقف كان وقف لنفسه من فتن الدنيا وعمايله ولا بنغطي وبس
لا اوافقك الرأي
2025-07-20 20:31:03اولاد الناس مش لعبه ولا تحت امر اي مصلحه خلوكم بدوركم وسموها خوف لانه بلادنا مخربتش غير لما دخلوها الضفاويه واللي بلاش نسميهم
ابو محمود
2025-07-20 19:58:53اكسر ، حد ماسكك . سنحاسب جميعا على هذا الخذلان ، واولنا من يسمون برجال الدين والمشايخ والقيادة ال .... . لم نسمع منكم سو الكلام الحنان الفارغ ولم نرى منكم وقفة احتجاج او استنفار، لم نرى منكم موقف يشرف نلقى به وجه الله ، انتم ونحن وجميعنا شلنا الخوف واسكت ضمائرنا ولا حول ولا قوة الا بالله . انت ايها الشيخ عضو بدار الافتاء ، اخرجوا فتوى عن ما يتطلبه الشرع من عامة المسلمين بمثل هذه المواقف ، لا تدعوا الناس للنفير فأنتم ليس اهل لذلك اقل ما فيها ان تدعوهم للاحتياجات والانتفاض نصرة لطفل يموت جوعا وامرأة تدور بين الخلق باحثة عن لقمة عيش . انظروا لهؤلاء الدروز ما فعلوا لانه تم الاعتداء ، كما بدون على اهليهم ، انظروا لليهود كيف يتظاهر يتظاهروا وآخرين منهم يعتدوا ويعربدوا ونحن نيام لأننا نخاف من المحاسبة . ابقوا متخاذلين خوفا من الناس وتجاهلوا الخوف من رب الناس . اللهم إليك نشكو وبك نستغيث .
معلش وضح!!!!
2025-07-20 19:06:52بدك الناس تصوم لعند ما توقف الحرب معلش لا الناس بدها تصوم ولا بدها تتبرع الناس فيها اللي مكفيها ومش ملحقين عحالهم في ببلادنا ناس معهاش توكل ولا تدفع اجارات ومشكنتا والاسعار غاليه ولما بدهم يتبرعوا بتبرعوا لاهل البلد خلص لهون وبكفي مشاكلنا بزياده
جمال ميمة
2025-07-20 18:23:51حبيبي حضرة الأستاذ الشيخ الدكتور محمد عايش امام مسجد البحر عضو مجلس الإفتاء ارجوكم عزيزنا الطيب الغالي فلتتشاور مع مجلس الإفتاء ليأخذ الإذن من الجهات المسؤولة وتقديم واجب المساعدة في أقرب فرصة ممكنة لأهلنا في قطاع غزة وخاصة المشردين والمرضى. ارجوكم عزيزنا الغالي حضرة الشيخ المبجل.
فلسطنيه
2025-07-20 18:12:28لمذا لم ينشر التعقيب متعقبه
فلسطنيه
2025-07-20 17:58:10هاذا هوه الصح قولو يارب
نضال قندس
2025-07-20 17:10:59نعم نعم نعم نعم نعم احسنت يا شيخ، ان شاء الله كل أهل يافا معك
يافا
2025-07-20 16:36:29معك حق. الساكت عن احق شيطان احرس بكفي صكت وخوف من مين أهل غزه بحاجي لا كل مسلم. شوفته الكنسينه اللي انقصفت ومات ثلاث من اخوانا المسيح من كل الدول فاتحه غزه. من أجلهم. وطلعهم من غزه المسيح. بني آدم ولمسلم مش بني آدم. حي الله الكل لا سمح الله مش بفرق بعمل مسحي مسلم. حتي هاي رسالي من رب العالمين للمسلمين. يتعلمون يطالبون في حق المسلم الغزوي
رجل دين
2025-07-20 16:30:32شعب الداخل يصرخ كفى لقتل الشباب وانت بتقلي غزه
ام
2025-07-20 16:29:26الناس بيافا اللد الرمله الشمال النوب جاعوا بدك نحل عن غيرنا بكفي سيبونا بهمومنا كل عيله مقتول فيها شباب قلبنا محروق احنا اللي بدنا مين يوقف معنا
وانا بقول ١٤٠ حاله قتل في الداخل وين كنتوا المشايخ
2025-07-20 16:27:47محدش هاموا من قتل الشباب بالداخل مسمعناش صوتكم كل بلد تحل مشاكلها مش ناقصنا قصص الف ليله وليله حلو عن ولادنا بالداخل مخصناش كان تحركتوا لما الشباب بتموت بدم بارد فهمتوا
بوظي
2025-07-20 15:51:48ولله يا شيخ . الامه العربيه والاسلاميه مخدره . ماخدين مخدر . عاملين عليهم سحر .يعني مش معقول فوق المليار مسلم صافنين بيتفرجو على اهل غزه بتلفاز وهيك صامتين . مش معقول . يعني ايش السر من وراء هدا الصمت ؟ يا مخدارين . يا مجوبنين صبتهم الخوفه والرعبه. يا مسحورين . يعني الواحد بقعد بفكر ايش الي بصير مع امة المليار ؟؟؟؟ مش معروف . زمان قبل خمس سنين او عشر سنين زمان يعني تعال نقول . بس كنا نشوف طفل بينضرب او بينطخ او نسوان بينضربو كنا نطلع نقلب الدنيا وصوتنا كان يوصل لاخر العالم . اليوم صمت صمت .خوف جبن .من مين ؟ من اكم عنصري في الحكومه ريحة تمهم طالعه ؟ من ايش من مين هيك صايبكم رعب . تعال وقول كلمة الحق العرب والاسلام جبناء ج ب ن اء . هاي هي الكلمه . خايفين هاي هي الكلمه . مشان هيك هدا الصمت . اقل ما فيها اقل شي الواحد فينا يعمله . يوقف وقفه احتجاجيه . اعملو لمة مؤن سكر زيت ملح طحين وكل هاي الاشياء نلمها ونبعتها لاطفال عن بموتو جوع . وين الغلط هون ؟ من ايش هيك خايفين ؟ مش بس بيافا بكل البلدان العربيه الكل صافن مخدر بكفيكم عاد .ولكم ولله الدور جاي علينا اذا راح هيك انضل . بس يخلصو مع غزه ومع الضفه . جاي علينا الدور . خليكم مخدرين .ادعو زي النسوان . وانتو تحت المكييف بدار . ادعو . وانتو يا 48 نزلو المنشور .
يافا
2025-07-20 15:34:21حان الوقت اخوي
بنت يافا
2025-07-20 15:34:12بوركت على هذه الكلمه الطيبه النيره..... اصبح الوضع لا يطاق ولا يحتمل.. 😥😥😥
ياسمين عايش
2025-07-20 15:32:08الله يوفقك يا عمي
تحميل
تعليقات Facebook
التعليقات