رئيس الهيئة الإسلامية في يافا: "الانتخابات يوم وإحنا لبعض دوم".. دعوة للتصويت للقوائم العربية

وصل موقع يافا 48 بيان من السيد عبد القادر أبو شحادة رئيس الهيئة الإسلامية المنتخبة في يافا، قال فيه "

أقل من 24 ساعة للانتخابات، وهالمرة بدنا نطلع نصوّت! بدنا نرفع نسبة التصويت في المجتمع العربي، ونبعث كل العنصريين على بيوتهم.

بس الأهم من هيك، بهالانتخابات في قائمتين عربيات: القائمة المشتركة والقائمة الموحدة. أنا شخصيًا بدعم القائمة المشتركة، بس اللي بدّه يصوّت للقائمة الموحدة كمان تمام.

الأهم من كل هاد إنه ما بدنا أصواتنا تروح للأحزاب الصهيونية. هالمرة لازم نكنس هاي الأحزاب من بلداتنا العربية.

والأهم، بتوجّه لكل ناشطي الأحزاب: يوم الانتخابات لازم نحمي بعض ونوقف مع بعض، خصوصًا إذا صار أي اعتداء من اليمين على مراكز الاقتراع في بلداتنا العربية.

إحنا أبناء نفس البلد، وبنحب بلدنا وبدنا نحافظ عليها. والأهم نتذكّر دايمًا إنه الانتخابات يوم، وإحنا لبعض دوم.

إستطلاع رأي خاص ب يافا 48

هل ستشارك في انتخابات الكنيست 2026

نعم ساشارك

لم أقرر بعد

أنا مقاطع

تصويت