السيد عبد القادر أبو شحادة: اليمين مرعوب من تصويت المجتمع العربي وعلينا رفع نسبة المشاركة

شو المشترك بين نتنياهو، بن غفير، سموتريتش وكل باقي العنصريين بهاللحظات؟ كلهم مرعوبين من المجتمع العربي!

وعشان هيك، هلّق لازم نثبتلهم إنّه خوفهم بمحله ونطلع نصوّت! بعد ثلاث سنين من التحريض غير المسبوق ضدنا، بدنا نبعثهم عالبيت!

ضلّ كم ساعة للانتخابات، ولسّه نسبة التصويت بمجتمعنا العربي مش عالية كفاية. وإحنا لازم كل واحد فينا يعمل مجهود إضافي، ويجيب معه عالأقل كمان ثلاثة أشخاص يصوّتوا!

وما ننسى، إحنا منصوّت بس للأحزاب العربية! أنا شخصيًا بصوّت للقائمة المشتركة، بس اللي بده يصوّت للقائمة الموحّدة كمان منيح.

والأهم من هيك، اليمين حاسس إنّه بخطر، ورح يحاول يعمل كل إشي عشان يخوّفنا!

ومن هون، رسالة لكل الناشطين والناشطات بالانتخابات من القائمتين: هلّق لازم نشتغل مع بعض، نرفع نسبة التصويت، ونحمي بعض من اعتداءات وتعدّيات اليمين المتطرّف!